(( منتديــــات شبــــاب حلــــوان ))

اهلاً وسهلاً بك زائرنا العزيز هذة الرسالة تفيد بانك غير مسجل وندعوك للتسجيل فى المنتدى وشكراَ

(( منتديــــات شبــــاب حلــــوان ))

(( حلــــــــــوان ))
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تورتة الكيوي بتاعة منال العالم بالصور الكتير ومفاجأة - العضوة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزعيم
المدير العام
المدير العام
avatar

علم دولتك :
الهواية :
المهنة :
المزاج :
الأبراج الصينية : الثور
عدد المساهمات : 213
تاريخ التسجيل : 14/02/2010
العمر : 20

مُساهمةموضوع: تورتة الكيوي بتاعة منال العالم بالصور الكتير ومفاجأة - العضوة    الأحد أبريل 07, 2013 2:28 am

السلام عليكم ورحمة الله وبركاته
يالا عشان ندخل المطبخ مع بعض بس المرة دي عاملة لكم حاجة حلوة زيكم دي صورة كدة تحت الحساب ههههه
حطوا نية حلوة إن شاء الله ادخال السرور على قلب أسركم ومتنسوش الاستغفار طول ما انتوا بتعملوا الحاجة عشان تطلع حلوة زيكم
نبدأ بسم الله
المقادير بطريقتي لأن منال العالم بتحط البيض في حمام مائي وبصراحة الخطوة دي عملتها مرة وفشلت مني فقلت أعمل التورتة بس بطريقتي وبسهولرة وهتشوفوا معلش رغيت كتير بس لازم أقول كده عشان الأمانة العلمية تقتضي كدة
مقاديري: نصف كيلو دقيق سبونج - وسبعة بيضات - وثلث كوب ماء
بصوا لما تجيبوا الدقيق السبونج هيبقى مكتوب عليه أو الراجل هيقلك كام بيضة بالضبط ومقدار الماء ماشي
للتزيين هنجيب ربع كريم شانتيه من عند الراجل بردوه وانا حطيت عليه اثنين كوب لبن ساقع - شراب جيلي بالأناناس أو الليمون انا استخدمت بالأناناس - فاكهة ( كيوي وفراولة ) أو زي ما انت عايزة انا احتجت كمية فراولة وأربعة كيوي
الطريقة نضرب البيض دقيقة واحدة وبعدين نحط المية ونكمل ضرب دقيقة كمان هتلاقوا شكله كده
وبعدين نحط دقيق السبونج تدريجيا ونضرب لمدة سبع دقايق لحد ما يبقى شكله كده أو يعمل عرف الديك
بعد كده نحطها في ثلاث صواني صغيرين وصينية مستطيلة ونحط في كل صينية ورق زبدة
وبعدين نحطها في الفرن لمدة ثلث ساعة
وده شكلها لما طلعت حاجة تفرح صح كنت فرحانة جدا بالنتيجة ومش مصدقة نفسي
وعلى فكرة في مفاجأة بس مش هاقولها غير في الآخر
بعد ما طلعنا الصواني الصينية المستطيلة هنخرجها وهنقطعها بحيث أنها تبقى بالشكل ده وبعدين نحشيها مربى ونقطعها بالشكل ده
وبعدين نقطع الفاكهة بالشكل ده
وبعدين نجيب ورق ألومنيوم مكانشي عندي الورق الشفاف الحقيقة
وبعد كده نحط الفاكهة من تحت بالشكل والترتيب ده
وبعدين نحط النايتي اخواتي بيقولوا عليه كده من جماله ونرتبه في الصينية بالشكل ده وبعدين نقسم الكيكة الصغيرة دي نصفين ونحط نصف ونسقيه بشوية شراب جيلي ونحط الكريم شانتيه وبعدين قطع الفواكه وبعدين النص التاني ونكرر نفس الخطوات لحد ما نحط النصف الرابع يعني احنا استخدمنا اثنين كيكة صغيرة بس مش ثلاثة يعني فضل عندة واحده هييييييه هتلاقوا صورتها في النهاية إن شاء الله
وبعدين نحطها في الثلاجة لمدة اربع أو ست ساعات أو في الفريزر لو عايزين الموضوع أسرع وده شكلها النهائي
ملحوظة كلبوظة شفتوا الترتيب في الصورة دي بالطول متعملوهاش كده اعملوها بالعرض علشان تكفي زي الصورة اللي فوقيها
وفي النهاية مش طالبة منكم بس غير أنكم تدعو لابني ربنا يشفيه شفاءا لا يغادر سقما
وربنا يحقق لكم كل أمانيكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shpaphelwan.yoo7.com
 
تورتة الكيوي بتاعة منال العالم بالصور الكتير ومفاجأة - العضوة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( منتديــــات شبــــاب حلــــوان )) :: ( منتديات أقسام الطبخ ) :: منتدى مطبخ حواء-
انتقل الى: