المره دي بالصور من مطبخي كب كيك ولا هوهوز ما فيش فرق من مطبخ دودو

انا نزلت الكب كيك ولا هوهوز بطريقة منال العالم قبل كده بس من غير صور وفي ناس كانت زعلانه فانا قلت اصالحكم
المره اللي فاتت كان بصوص الشيكولا ميروا المره دي بصوص الشاتوه
يالا نسمي الله ونقول المقادير


1\2 كوب زبده
3\4 كوب لبن رايب ولو ما فيش
حطو 3\4 كوب اللبن يغللي وقبل ما تشيلوه من علي النار حطو 1ملعقة خل
3ملاعق كبيره كاكاو ساده
1كوب سكر
1كوب دقيق
1\2 ملعقه صغيره فانيليا
1\4 ملعقه صغيره ملح
1حبة بيض
1\2 ملعقه صغيره بيكنج بودر
ملعقه صغيره قرفه انا زودتها المره دي وطلعت تحفه

صوص الشاتوه

1\2 كوب سكر
1\2 كوب لبن
1\2 كوب زيت
2 ملعقه كبيره كاكاو خام + 1\4 ملعقه صغيره فانيليا


نغلي اللبن الرايب مره اخري مع الكاكاو ونرفعه من علي النار
ثم نضرب الزبده مع السكر ثم يضاف البيض و الفانيليا ثم ضاف خليط اللبن بالكاكاو
ثم ننخل الدقيق ورشة الملح والبيكنج بودر وننزل علي الخليط السابق ونقلب ببطئ حتي لا يخرج الهوا
ونضعه في قوالب الكب كيك المدهونه زبده و دقيق الي ان يستوي
الفرن علي درجة حراره عاليه وبعد 10 دقائق هدي الفرن وممنوع الفتح اول 1\4 ساعه عليهم
نيجي لصوص الشاتوه
******************
في الخلاط اللبن مع السكر مع الكاكاو مع الفانيليا
ضربه بالخلاط كده وننزل بالزيت خيط رفيع والخلاط شغال زي المايونيز
وبعد كده نحطه في التلاجه يسقع شويه هو مش محتاج لان هاتلاقيه تقيل وحلو
اسيبكم مع الصور






ودا زوم بالكاميرا