(( منتديــــات شبــــاب حلــــوان ))

اهلاً وسهلاً بك زائرنا العزيز هذة الرسالة تفيد بانك غير مسجل وندعوك للتسجيل فى المنتدى وشكراَ

(( منتديــــات شبــــاب حلــــوان ))

(( حلــــــــــوان ))
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كحك العيد الناعم بالعجمية بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزعيم
المدير العام
المدير العام
avatar

علم دولتك :
الهواية :
المهنة :
المزاج :
الأبراج الصينية : الثور
عدد المساهمات : 213
تاريخ التسجيل : 14/02/2010
العمر : 20

مُساهمةموضوع: كحك العيد الناعم بالعجمية بالصور   الإثنين أبريل 22, 2013 5:58 am

السلام عليكم ورحمة الله
بسم الله الرحمن الرحيم
كل سنة وانتو طيبين
ده تطبيقى لكحك العيد للشيف يسرى
واللى شاركت بيها فى مسابقة ابداعاتى فى وصفاتى لتطبيقى لشيفاتى
مقادير الكحك
كيلو دقيق مخبوزات
نصف كيلو سمنة سايحة
250مللى لبن دافى(انا معرفش المللى ده قد ايه بس انا حطيت كوباية)
ملعقة كبيرة بيكنج بودر
2 ملعقة كبيرة سكر
ملعقة كبيرة ريحة كحك او اكتر للى تحب
سمسم(اختيارى)
الحشو
عجمية بالمكسرات(ودى اخدت طريقتها من فتوكة هنا)
مقادير العجمية
كوب الا ربع عسل نحل
ملعقة كبيرة دقيق
ملعقة كبيرة سمنة او زبدة
مكسرات مقطعةاو مجروشة
نبدأ بطريقة العجمية
اول حاجة هنقلب الدقيق مع السمنة على النار بشرط ان الدقيق لونه ميبقاش غامق


وبعد كده ننزل عليهم بعسل النحل


ونقلبهم كلهم مع بعض


ونسيبهم يغلو على النار
هنلاقى الخليط تقل وابتدا لونه يغمق وابتدا يعقد يعنى يكون ليه قوام
وكل ماسبناه اكتر كل ماتقل اكتر يعنى انتى حسب مابتحبى قوامه


قبل مانطفى نضيف المكسرات المجروشة


نقلبهم مع بعض ونطفى النار


ونسيبها تبرد عشان نعرف نشكلها
ولما تبرد العجمية هنلاقيهم قوامها طرى ومتماسك
زى كده

وعلى فكرة ياجماعة العجمية طالعة طعمها خطير لدرجة شلت حته منها اكلها لوحدها


كده خلصنا العجمية
ندخل ع الكحك
اول حاجة هنجيب بولا كبيرة نحط فيها الدقيق ونحط عليه المكونات الجافة(البيكنج بودر وريحة الكحك والسكر)


ونقلبهم ونحط السمسم
انا حطيت حوالى 3 معالق كبار سمسم
بس ده مش اساسى طبعا ده زى مانتى متعودة


ونقلبهم كويس
ونعمل حفرة فى النص
وننزل على الدقيق بالسمنة السايحة
بس خلى بالكم السمنة لازم تكون دافيه مش مغلية
عشان لو سخنة البيكنج بودر هيفسد ومش هينشط العجينة
انا استخدمت سمنة فلاحى ودى طبعا خلت الكحك ناعم جدا وبيدوب فى الفم


ونقلبها كويس اوى بايدينا
يعنى زى مابيقولو نبس العجينة
لغاية ماكل الدقيق يتشرب السمنة كويس


وبعد كده ننزل عليهم باللبن الدافى(بردو مينفعش يكون اللبن مغلى او سخن)
ويستحسن نحط اللبن بالتدريج
فيه ناس بتحط لبن اكتر من كده بس انا مكترتش عشان الكحك يطلع ناعم


ونعجن كويس



بسم الله الرحمن الرحيم
نبدأ نكور العجينة كور فى الحجم اللى احنا عايزينه
ودى ميزة البيكنج بودر اننا هنشتغل ع طول مش هنسيب العجينة تخمر


ونجهز العجمية ونكورها كور صغيرة



وناخد كورة عجينة ونعمل فيها حفرة فى النص



ونحط فيها كورة عجمية من اللى احنا عملناهم



ونقفل عليها الاطراف كويس اوى عشان العجمية متطلعش منها اثناء الخبز
وكمان نحاول نصغر حجم العجمية



ونبدأ نحضر الاشكال اللى هنشكل بيها الكحك
انا جبت هنا اشكال بلاستيك وبردو جبت مناقيش
عشان نفتكر ايام زمان



ونبدأ نرص الكحك فى الصوانى
وطبعا لازم الصوانى تكون مدهونة لو مش تيفال
دى الصينية اللى اتعملت بالاشكال البلاستيك


ودى اللى اتعملت بالمنقاش



خبزته على حرارة 200 فى فرن الكهربا لغاية ماستوى والوش بقى لونه دهبى
وطبعا كل واحدة فرنها بيختلف عن التانى

وهنا لما برد وسكرته بالسكر بودرة



شايفين ازاى هنا العجمية باينة هى والمكسرات



ودول صورتين كمان





بدون مبالغة ياقمرات الكحك طلع ناعم وطعمه رائع
عامل زى كحك بسكو مصر ويمكن انعم
وفى رأيى البيكنج بودر نتيجته احلى من الخميرة بكتير
يارب الموضوع يكون عجبكم
وان عجبكم متنسونيش فى التقييم ياقمرات
ولاتنسونى فى دعائكم



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shpaphelwan.yoo7.com
 
كحك العيد الناعم بالعجمية بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
(( منتديــــات شبــــاب حلــــوان )) :: ( منتديات أقسام الطبخ ) :: منتدى الشيف يسري والشيف علاء الشربيني-
انتقل الى: