الزعيم
المدير العام
علم دولتك : 
الهواية : 
المهنة : 
المزاج : 
الأبراج الصينية : 
عدد المساهمات : 213
تاريخ التسجيل : 14/02/2010
العمر : 26
 | موضوع: محشى الكرنب والبازنجان من مطبخى بالصور  الأحد ديسمبر 23, 2012 4:13 am | |
|
السلام عليكم ورحمة الله وبركاته
انا انهردة عملت محشى وقولت لازم انزلكوا طريقتى فى عمل المحشى مع افتكساتى كمان
انا عارفه ان فتوكات قسم الطبخ فروده فى كل حاجه ما شاء الله وانا مجيش جمبهم حاجه
طبعا كلنا عارفين نعمل الخلطة بس تكاتى بقى عايزه اعرفهلكوا
اولا / لما بعمل التسبيكة مش بحط الخضره فيها وهى سخنه . بقلب الارز الاول مع التسبيكة وبعد ما بقلبهم بروح حطه الخضره ومقلباها علشان تبقى مفرفرة ومحتفظه بخضرها متبقاش دبلانه
ثانيا / مش بحط اى بهارات فى التسبيكة غير لما احط الارز والخضره برضه علشان البهارات تبقى ظاهرة فى الخلطة بحط فى التسبيكه الملح بس
ثالثا/ نيجى بقه للبوهرات الى بحطها حطى كمون كتير المحشى بيحب الكمون والشطة . حطى نص معلقة قرفة بيبقى طعمه جميل ورحته كمان حطى فى التسبيكة ورق لورا لو عندك
رابعا / قطعى فلفل اخضر مع التسبيكة بيدى طعم وريحة جميلة
الاول هبتدى احشى البازنجان قبل الكرنب علشان يخلص . وانا بحشية وبحطه فى الحلة وهو واقف وبرضه بسويه وهو واقف . افرشى فى الحلة قبل ما تحشى طرنشات بصل وبرضه قطعى فلفل علشان يبقى ريحته حلوة وهو بيستوى
 بعد كدة هبتدى احشى الكرنب ومتنسيش تقفلية من الجهتين علشان الارز ميطلعش وهو بيستوى
بعد كده هرفعهم على النار واسويهم بالشوربة انا الاول بحط كرنبين شربة او تلاته ولما بشرب الشربة بحط كرنيب كمان علشان يتظبط معايا
ده البازنجان وهو بيستوى ودى الكرنب بعد ما شرب الشوربة
طبعا لما بيشرب شربتة بنوطى علية ونحط صاجة علشان يتردد وبعد اما يتردد ونقفل عليه بروح مفرفراه علشان يبقى سهل فى الغرف
وده صورته وهو متفرفر
وده بقى لما غرفته فى الطبق
والطبق ده لعيون الفتوكات علشان التقييم
بعد ما حشيت فاض منى شوية ارز محشى رحت مزوده عليهم شوية شوربة صغيرين ورحت مسوياهم وعشيت بيهم ولادى اصلهم بيحبوا يكلوا الارز نى وانا بحشية وده شكله بعد ما سويته
يارب يكون موضوعى عجبكوا يا احلى فتوكات
 | |
|
