اول حاجه عاوزه اوريلكم حلة الكسكسي أو المفتول ودى انا اشترتها من محل ادوات منزليه ب 95 ج
تانى حاجه الشاشه البيضاء ودى انا جبتها من عند واحد بتاع قماش تقوليله عاوزه قماش شاش قطن بس تكون خفيفه مش تقيله واهم حاجه قطن اوعوا تنسوا
وكمان المنخل السلك وده جبته ب 7 ج
ركزوا بقى معايا كويس ايه ده انتوا تنحتوا كده ليه ما علينا
المقادير كيلو دقيق - رشة ملح - ماء
وطبعا كميه الماء على حسب ما ياخد الدقيق وهاتشوفى توقفى الماء امتى ده الطبق بتاعى وحطيت فيه كيلو الدقيق وجبت شفشق صغير فيه ماء وبحط ايدى الشمال فى الماء وانزل بيها على الطبق وايدى اليمين بلف بيها فى الطبق زى عقارب الساعه وطبعا بترشى بإيدك مش تدلقى الماء علشان ينزل نقط على الدقيق و يعمل حبيبات زى كده
وطبعا تفضلى ترشرشى الماء وتلفى بإيدك اليمين وهاتلاحظوا ان الدقيق بقى حبيبات ولما تحسوا ان الدقيق بقى تقريبا شبه حبيبات بس طبعا مش كله لان احنا لسه هاندعكه يعنى ممكن يبقى فيه شويه دقيق ناشف بس لما ندعكهم كلهم هايبقوا حبيبات وطبعا احنا لو زودنا الماء هايتحول لعجين علشان كده بقولكم يادوب لحد ما تحسى انه بقى زى الحبيبات كده والصور هاتوضحلكم
واول ما الدقيق يبقى كده نبتدى نلفه على ادينا يعنى تحطى الدقيق فى ايدك و تلفى مع عقارب الساعه بس مش تضغطى بإيدك جامد لا خليكى حونينه عليه علشان خاطرى دلعيه كده و شخلعيه
واهم حاجه ماتكونيش لابسه فى ايدك اى خواتم سامعه يا اوختى ماحبكتش يعنى علشان عاوزين الدقيق يبقى شكل واحد والصور هاتوضح لكم بعد لما نلفه شكل هايتغير خالص
وعاوزين بقى نوصل للشكل ده
بعد كده بقى يجى دور الحاج غربال نحط الدقيق فى الغربال وننزله علشان يبقى كله مقاس واحد و ندعك الشويه اللى هايفضلوا فى الغربال علشان هايبقوا تخان فمش هاينزلوا بالهز نلفهم برده مع عقارب الساعه اوكيشن
نسيت اقولكم الحله عبارة عن جزئين اللى تحت حله واللى فوق مصفاه نحط فى الحله نصفها ماء و نحط عليها المصفاه والغطاء و نسيبها تغلى بس خاللى بالكم ان الماء لما بيغلى بيفور ويعمل فقاقيع فمس عاوزينه يوصل للمصفاه عاوزين بس البخار وطبعا انت فى نص الشغل كده بتحطى الحله على النار علشان عقبال ماتخلصى تكون الماء غلي وتحطى الكسكسي بعد كده نحط الشاشه فى الحله بالشكل ده
ونحط فيها الكسكسي و نغطيها كويس
ونسيبه بقى يستوى على نار تقريبا متوسطه واول ماتفتحى الغطاء و تضربى على الشاش وتلاقيه بيطبل يبقى استوى طبعا فى ناس بتقلبه تانى وترش عليه ماء تانى وبعدين تنزله فى الغربال وتحط عليه شوية سمنه بلدى وترجعه تانى فى الشاشه و تحطه فى المصفاه يستوى تانى بس طبعا الكميه دى قليله فمش محتاجه اقلبه تانى هى الحله بتاخد حوالى 3 كيلو دقيق وطبعا بعد كده بتضيفيله سكر يا سكر انت وهي و بالهنا و الشفا تصدقوا جوعت ههههههههههههههه
وبعدين بقى شيلت شوية فى الفريزر لانه مش ينفع نشيله فى الثلاجه
انا عملت الكسكسي وعاوزاكم تقولولى على طرق تقديمه انا عرفت ان فى ناس بتقدح سمن و تحط عليه الكسكس و تقلبه و عاوزه اعرف برده بشوفه عند ناس بيبقى لونه مصفر شويه لو تعرفوا قولولى اوك شفتوا حد بيعمل الاكله ومايعرفش طرق تقديمها زيى هههههههههههه ماتنسوس يا قمرات التقييييييييييييييييييييييييييييييييييييم وتدعوا لوادى الله يرحمه ووالدتى ربنا يقومها بالسلامه و يخليهالى وتدعولى انا وزوجى وابنى وبنتى باى دعوه حلوه منكم ومستنيه اسألتكم و استفساراتكم على hanonatamer@fatacat.com ههههههههههههههههههه بااااااااااااااااااااااااااااااااااااااااااااااااا ااااااااااااااااااااااااااااااااااى يتبع